జోధ్‌పూర్‌లో జరిగిన దారుణ హత్య ఘటన స్థానికులను భయాందోళనలకు గురిచేసింది. 50 సంవత్సరాల వయస్సుగల బ్యూటీషియన్ అనిత చౌదరి అనుమానాస్పద స్థితిలో హత్యకు గురవడం, మరీ దారుణంగా ఆ హత్య అనంతరం ఆమె శరీరాన్ని బాగలు నరికి సంచుల్లో ముక్కలు ముక్కలుగా ప్యాక్ చేసి పాతిపెట్టడం కలకలం రేపింది. పోలీసులు ఈ ఘటనలో ప్రధాన నిందితుడిగా గులాం మహమ్మద్ అలియాస్ గుల్ మహమ్మద్‌ను గుర్తించారు.

అనిత అక్టోబర్ 27న తన బ్యూటీ పార్లర్ మూసివేసి ఇంటికి వెళ్లిన తరువాత కనిపించకపోవడంతో, ఆ మరుసటి రోజే ఆమె భర్త మన్మోహన్ చౌదరి పోలీస్ స్టేషన్‌లో ఆమె అదృశ్యమైందని ఫిర్యాదు చేశారు. ఫోన్ కాల్ రికార్డులు మరియు ఆమె మొబైల్ లొకేషన్ ఆధారంగా పోలీసులు గుల్ మహమ్మద్‌ను గుర్తించారు, ఇతని షాప్ కూడా అనిత పార్లర్ ఉన్న భవనంలోనే ఉంది.

గుర్తింపు, మోసపూరిత చర్యలు

అనిత అదృశ్యమైన రోజు ఆమె ఆటోలో గంగానా అనే ప్రాంతానికి వెళ్లినట్లు విచారణలో తేలింది. ఆటో డ్రైవర్‌ను పోలీసులు ప్రశ్నించారు, గుల్ మహమ్మద్ తన భార్య సహాయంతో ఈ హత్య జరిపినట్లు పోలీసులు అనుమానం వ్యక్తం చేస్తున్నారు.

విశేష ఆధారాలు

అతను శరీరాన్ని 12 అడుగుల లోతైన గుంతలో పాతిపెట్టారని గుల్ మహమ్మద్ భార్య పోలీసులకు వెల్లడించడంతో, పోలీసులు అక్కడ తవ్వకాలు జరిపి ఆమె శరీర భాగాలను రెండు ప్లాస్టిక్ సంచుల్లో బయటకు తీయగలిగారు.

మరో ప్రస్తుత ట్రెండ్
అక్టోబర్ 27 ఘటనకు ఒక నెల ముందు బెంగళూరులో ఇదే తరహా హత్య జరిగింది, ఆ ఘటనలో ముఖతీ రంజన్ రే అనే వ్యక్తి తన స్నేహితురాలిని దారుణంగా నరికి హత్య చేశాడు.