గౌరవ భారత రాష్ట్రపతి శ్రీ ద్రౌపది ముర్ము గారు నేడు ఆంధ్రప్రదేశ్ రాష్ట్రంలో పర్యటిస్తున్నారు. ఈ సందర్బంగా విజయవాడ మరియు మంగళగిరిలో పలు ముఖ్య కార్యక్రమాల్లో పాల్గొననున్నారు. రాష్ట్రపతి పర్యటనకు సంబంధించి పోలీసులు ప్రత్యేక భద్రతా ఏర్పాట్లు చేశారు.
నేడు రాష్ట్రపతి ముర్ము పర్యటన ముఖ్య అంశాలు
- ఉదయం 11:30 గంటలకు విజయవాడ చేరుకోనున్నారు.
- మధ్యాహ్నం 12:05 గంటలకు మంగళగిరి ఎయిమ్స్‌కు వెళ్లనున్నారు.
- ఎయిమ్స్ తొలి స్నాతకోత్సవానికి ముఖ్య అతిధిగా హాజరవుతున్నారు.
- 49 మంది ఎంబీబీఎస్ విద్యార్థులకు పట్టాలు ప్రదానం చేయనున్నారు.
- నలుగురు వైద్య విద్యార్థులకు బంగారు పతకాలు అందించనున్నారు.
- స్నాతకోత్సవంలో గవర్నర్ నజీర్‌, చంద్రబాబు నాయుడు తదితరులు పాల్గొననున్నారు.
- సాయంత్రం 4:15 గంటలకు రాష్ట్రపతి విజయవాడ నుండి హైదరాబాద్‌కు బయలుదేరతారు.
ఎయిమ్స్ స్నాతకోత్సవం విశేషాలు
ఈ రోజు మంగళగిరిలోని ఎయిమ్స్‌లో తొలి స్నాతకోత్సవం జరుగుతోంది. 49 మంది ఎంబీబీఎస్ విద్యార్థులు తమ డిగ్రీలను అందుకోనున్నారు. నలుగురు విద్యార్థులు తమ అద్భుతమైన ప్రతిభకు బంగారు పతకాలను అందుకుంటారు. ఈ ప్రత్యేక సందర్భానికి రాష్ట్రపతి ద్రౌపది ముర్ము గారు ముఖ్య అతిధిగా హాజరుకావడం గర్వకారణంగా ఉంది.
గౌరవ భారత రాష్ట్రపతి శ్రీ ద్రౌపది ముర్ము గారు నేడు విజయవాడ పర్యటనకు రానున్నారు. ఈ సందర్భంగా విజయవాడ నగరంలో కట్టుదిట్టమైన పోలీసు బందోబస్తు ఏర్పాటు చేయబడింది. ఏలూరు రేంజ్ ఐజిపి జివిజి అశోక్ కుమార్ ఐపీఎస్ గారు, కృష్ణా ఎస్పీ ఆర్. గంగాధర్ ఐపీఎస్ గారు పోలీసు సిబ్బందికి పర్యటనకు సంబంధించిన బ్రీఫింగ్ నిర్వహించారు.
ఉదయం 11:30 గంటలకు రాష్ట్రపతి ముర్ము విజయవాడ చేరుకుని, అక్కడి నుండి మధ్యాహ్నం 12:05 గంటలకు మంగళగిరి ఎయిమ్స్‌లో నిర్వహించనున్న స్నాతకోత్సవ కార్యక్రమంలో పాల్గొననున్నారు. ఈ కార్యక్రమానికి గౌరవ గవర్నర్ నజీర్‌, ముఖ్యమంత్రి చంద్రబాబు నాయుడు, జనసేన అధినేత పవన్ కళ్యాణ్ తదితర ప్రముఖులు హాజరుకానున్నారు.
పోలీసు భద్రతా ఏర్పాట్లు
- రాష్ట్రపతి పర్యటన సందర్భంగా మంగళగిరిలో భద్రతా చర్యలు కట్టుదిట్టంగా నిర్వహించారు.
- ట్రాఫిక్ ఆంక్షలు సాయంత్రం 6 గంటల వరకు అమలులో ఉంటాయి.
- ప్రజల ఇబ్బందులను నివారించడానికి పోలీసులు ప్రత్యేక మార్గాలను సూచిస్తున్నారు.
