ఐపీఎల్ 2025 వేలంలో ఢిల్లీ క్యాపిటల్స్ సంచలన నిర్ణయాలు తీసుకుంది. స్ట్రాటజీతో వేలంలో పాల్గొని స్టార్ ప్లేయర్లను తక్కువ ధరకే దక్కించుకుని జట్టు బలాన్ని పెంచుకుంది. ముఖ్యంగా కేఎల్ రాహుల్, మిచెల్ స్టార్క్, మరియు ఆస్ట్రేలియా బ్యాటర్ జేక్ ఫ్రేజర్-మెక్ గుర్క్ లాంటి ఆటగాళ్లను సొంతం చేసుకున్న విధానం ప్రత్యేక ఆకర్షణ. ఈ వ్యూహాలు జట్టు బలానికి దోహదపడతాయని స్పష్టంగా తెలుస్తోంది.
కేఎల్ రాహుల్ కొనుగోలు
ఐపీఎల్ 2025 వేలంలో ఢిల్లీ క్యాపిటల్స్ ఒక కీలక నిర్ణయం తీసుకుంది. వికెట్ కీపర్ బ్యాటర్‌గా కేఎల్ రాహుల్‌ను రూ.14 కోట్లకే కొనుగోలు చేయడం సరికొత్త మైలురాయి. కెప్టెన్‌గా కూడా రాహుల్‌కు ఉండే అనుభవం జట్టు విజయాల్లో ప్రధాన పాత్ర పోషించనుంది.
మిచెల్ స్టార్క్‌ను దక్కించుకున్న ఢిల్లీ
మిచెల్ స్టార్క్, ఆస్ట్రేలియా ఫాస్ట్ బౌలర్‌గా పేరు పొందిన ఆటగాడు, ఢిల్లీ క్యాపిటల్స్‌కు ప్రధాన బలం. అతన్ని రూ.11.75 కోట్లకి తీసుకోవడం జట్టు బౌలింగ్ విభాగాన్ని మరింత శక్తివంతం చేస్తుంది.
జేక్ ఫ్రేజర్ మెక్‌గుర్క్‌ కోసం ఆర్టీఎం వాడిన ఢిల్లీ
అనుభవం తక్కువ అయినప్పటికీ, జేక్ ఫ్రేజర్-మెక్ గుర్క్ ఘన ప్రదర్శనతో అభిమానులను ఆకట్టుకున్నాడు. 2024 ఐపీఎల్ సీజన్‌లో 234 స్ట్రైక్ రేట్‌తో రాణించిన ఈ 22 ఏళ్ల యువ ఆటగాడు వేలంలో ప్రధాన ఆకర్షణగా నిలిచాడు. ఢిల్లీ ఈ పవర్ హిట్టర్‌ను రూ.9 కోట్లకి ఆర్టీఎం కార్డు ద్వారా తీసుకోవడం జట్టు ప్రణాళికకు దారసాక్ష్యం.
హ్యారీ బ్రూక్, టి. నటరాజన్‌తో బలమైన జట్టు
ఇంగ్లాండ్ బ్యాటర్ హ్యారీ బ్రూక్‌ను రూ.6.25 కోట్లకు తీసుకోవడం, అదే విధంగా భారత ఫాస్ట్ బౌలర్ టి. నటరాజన్‌ను రూ.10.75 కోట్లకు కొనుగోలు చేయడం కూడా ఢిల్లీ క్యాపిటల్స్ జట్టు సమతుల్యతను పెంచింది.
ఐపీఎల్ 2025: ఢిల్లీ జట్టు కోసం ఇతర ప్లేయర్ల కొనుగోళ్లు
- మోహిత్ శర్మ: రూ.2.2 కోట్లు
- సమీర్ రిజ్వీ: రూ.95 లక్షలు
- కరుణ్ నాయర్: రూ.50 లక్షలు
- అశుతోష్ శర్మ: రూ.3.8 కోట్లు
ఢిల్లీ క్యాపిటల్స్ రిటైన్ చేసిన ఆటగాళ్లు
- అక్షర్ పటేల్: రూ.16.50 కోట్లు
- కుల్దీప్ యాదవ్: రూ.13.25 కోట్లు
- స్టబ్స్: రూ.10 కోట్లు
- అభిషేక్ పోరెల్: రూ.4 కోట్లు
ఐపీఎల్ 2025: ఢిల్లీ క్యాపిటల్స్ వ్యూహాత్మక నిర్ణయాలు
ఢిల్లీ క్యాపిటల్స్ మొత్తం రూ.59.20 కోట్లు ఖర్చు పెట్టగా, రిటెన్షన్ కోసం రూ.47 కోట్లు వెచ్చించింది. మెగా వేలం తర్వాత, జట్టుకు ఇంకా రూ.13.80 కోట్లు మాత్రమే మిగిలాయి.
