మోహన్ బాబుపైAttempt Murder కేసు నమోదు

తెలుగు చిత్రపరిశ్రమలో మంచు ఫ్యామిలీ వివాదం కొత్త మలుపు తీసుకుంది. పహాడీ షరీఫ్‌ పోలీసులు హీరో మోహన్ బాబుపై హత్యాయత్నం కేసు నమోదు చేశారు. జర్నలిస్టుపై దాడి ఘటనకు సంబంధించి మొదట 118(1) సెక్షన్ కింద కేసు నమోదైంది. కానీ, విచారణ తరువాత తెలంగాణ పోలీసులు లీగల్ ఒపీనియన్ తీసుకుని 109 సెక్షన్ కిందAttempt Murder కేసు నమోదు చేశారు.

ఏం జరిగింది?

మంచు కుటుంబ వివాదం నేపథ్యంలో మంగళవారం మోహన్ బాబు నివాసానికి మీడియా ప్రతినిధులు వెళ్లారు. అక్కడ జరిగిన ఉద్రిక్త పరిస్థితుల్లో, మోహన్ బాబు సహనం కోల్పోయి తన బౌన్సర్లు మరియు అనుచరులతో కలసి మీడియా ప్రతినిధులపై దాడి చేశారు.

• ఓ టీవీ ఛానెల్ ప్రతినిధి చేతిలోని మైక్ లాక్కుని ముఖంపై కొట్టినట్లు ఆరోపణలు ఉన్నాయి.
• మరో జర్నలిస్టును బౌన్సర్లు నెట్టేయడంతో అతను కిందపడిపోయాడు.
• ఘటనపై రాచకొండ పోలీస్ కమిషనర్ కార్యాలయం కేసు నమోదు చేసి దర్యాప్తు ప్రారంభించింది.

జర్నలిస్టుకు గాయాలు: చికిత్స వివరాలు

దాడిలో గాయపడిన జర్నలిస్టు రంజిత్కు యశోద ఆస్పత్రిలో చికిత్స జరుగుతోంది. వైద్యులు జైగోమాటిక్ బోన్ (ముఖం ఎముక)లో మూడు చోట్ల విరిగినట్లు తెలిపారు.

• ఫ్రాక్చర్ స్థానాల్లో స్టీల్ ప్లేట్ అమర్చడం జరిగింది.
• కంటికి, చెవికి మధ్య ఉన్న గాయాలకు చికిత్స అందించారు.
• రంజిత్‌ను ఇంకా అబ్జర్వేషన్‌లో ఉంచారు.

మంచు లక్ష్మి ఆసక్తికర ట్వీట్

ఈ వివాదం మధ్య మంచు లక్ష్మి తన సోషల్ మీడియా అకౌంట్‌లో ఒక ఆసక్తికర పోస్ట్ చేశారు.

• “ప్రపంచంలో ఏదీ మీది కానప్పుడు.. ఏం కోల్పోతారని భయపడుతున్నారు?” అంటూ ట్వీట్ చేశారు.
• ఈ ట్వీట్ ఏవరిని ఉద్దేశించి రాసారన్నది చర్చనీయాంశంగా మారింది.

హైకోర్టులో మోహన్ బాబుకు తాత్కాలిక ఊరట

తెలంగాణ హైకోర్టు మోహన్ బాబుకు తాత్కాలిక ఊరట కల్పించింది. రాచకొండ సీపీ ఇచ్చిన నోటీసులపై హైకోర్టు మధ్యంతర ఉత్తర్వులు జారీ చేసింది.

• పోలీసుల విచారణకు హాజరుకావలసిన అవసరాన్ని రద్దు చేసింది.
• అయితే మీడియాపై దాడి కేసు విచారణ కొనసాగుతుందని హైకోర్టు స్పష్టం చేసింది.